الهي قاره پرچمده گوزوم وار علي اوغلي ابوالفضله سوزوم وار اگر چه نوکر ناقابلم من‏ وگر ديوانيم يا عاقلم من‏ او خردا قبرينه چوخ مايلم من‏ مني قووماز او مولا سائلم من‏ منم اول قطره کي يمده [1] گوزوم وار علي اوغلي ابوالفضله سوزوم وار مريضيم وار شفاسين ايستورم من‏ چتين دردين دواسين ايستورم من‏ حسينون کربلاسين ايستورم من‏ مزار باصفاسين ايستورم من‏ کنار نهر علقمده گوزوم وار علي اوغلي ابوالفضله سوزوم وار عطاسي اي اولان دريا اباالفضل (عليه‏السلام‏) گوزي شهلا قدي رعنا اباالفضل (عليه‏السلام‏) سوسوز قيزلاره اي سقا اباالفضل (عليه‏السلام‏) قلم قولاره قربان يا اباالفضل (عليه‏السلام‏) [ صفحه 110] بساط و بزم ماتمده گوزوم وار علي اوغلي ابوالفضله سوزوم وار متاع عشقه‏اي بازار رايج‏ گلور هر کيم آلورسندن نتايج‏ ائدورسن هر مريضه سن معالج‏ واروندي منصب باب الحوائج‏ منيمده اسم اعظمده گوزوم وار علي اوغلي ابوالفضله سوزوم وار حسينون اي علمدار و وزيري‏ بني هاشملرين ماه منيري‏ اوزون نوکر حساب ايله بشيري‏ اولوبدور عشق مولانين اسيري‏ ديور اون گون محرمده گوزوم وار علي اوغلي ابوالفضله سوزوم وار [2] .